GENSAN – Dili angay ng magpakita ug kasupilon o pagsininaog-ug ulo sa serbisyo publiko. Mao kini ang klaro nga mensahe ni Mayor Lorelie Pacquiao sa tanang sakop sa City Hall atol sa pagsugod sa iyang ikaduhang termino isip alkalde ning dakbayan sa Heneral Santos,.
Gihingusgan ni Mayor Pacquiao nga bisan pa man og personal nga batasan sa usa ka empleyado ang dili niya kontrolado, kinahanglan gihapon nga ipakita ang tinud-anay nga kasing-kasing sa pagserbisyo sa publiko .
Ilabi na ang mga frontline personnel, kinahanglan nga magpabilin nga mahinatagon, pasensyoso, ug masinabtanon, ilabina sa mga lumulupyo nga nangayo og tabang ug kasulbaran sa ilang mga problema.
Gilauman karon nga ipatuman og hugot sa iyang administrasyon ang disiplina sa pagtrato sa katawhan, uban sa padayon nga tinguha nga himoon ang City Hall nga modelo sa matinud-anong serbisyo publiko.
