Gipatas-an sa Court of Appeals ang giisyu nga freeze order sa bank accounts, mga kabtangan ug uban pang assets ni Kingdom of Jesus Christ leader Pastor Apollo Quiboloy.
Kini ang gikumpirma sa legal counsel sa KOJC nga si Atty. Dinah Tolentino-Fuentes sa usa ka press conference sa Davao city Huwebes, Agosto 29.
Matud niini gipatas-an pa ang freeze order hangtud Pebrero 3 nsa sunod tuig.
Sa karon matud niini wala pa nadawat sa ilang kampo ang kopya sa extended freeze order.
Kahinumduman nga kanaidtong Agosto 5 dihang unang nagpagawas ang CA ug 20 ka adlaw nga freeze order sa mga kabtangan ni Quiboloy lakip na ang KOJC ug Swara Sug Media Corp., nga nag operate sa Sonshine Media Network International (SMNI), ang media arm sa KOJC.
Sakop sa freeze order ang napulo ka bank accounts, pito ka real properties, lima ka motor vehicles ug usa ka aircraft nga panag-iya sa KOJC, lakip ang 47 ka bank accounts, 16 real properties ug 16 motor vehicles sa KOJC
Ang naasoy nga freeze order ang gihangyo sa AMLC nga giaprubahan usab sa CA human nga makita ang resonableng basehan aron tuhu-an nga may kalabutan ang mga bank account ni Quiboloy sa mga ilegal nga aktibidad ug krimen sama sa human trafficking , sexual ug child abuse, ug uban pa.
