GENERAL SANTOS CITY – Gi refile ang omnibus franchising guideline sa konseho ni Konsehal Dominador Lagare Jr. sa tumong nga matuman gayud ang paghatag ug prangkisa alang sa mga traysikel.
Gibutyag ni Lagare nga karong adlaw nga Byernes may meeting ang MTFRB ug gilauman nga magpasa ug resolosyon ang maong board ug irekomenda sa Sanggunian Panlungsod nga aprubahan ang tanan nga nag apply ug prangkisa.
Matud niini nga kung unsa man ang naduso sa miaging Chairman sa Committee on Transportation ang dili na kini mahinayon tungod siya na ang bag-o nga nagdumala sa komite human wala nahatagan ug solosyon ang problema sa transportasyon. Matud niini kay siya naman ang Committee Chairman ang iyang bersyon ang masunod.
Gani miaging semana may mga kompanya sa electric traysikel ang miduol kaniya apan ila usa tun-an samtang mangita ug haum nga electric traysikel alang sa Gensan human mipasalig ang Asian Development Bank nga mutabang sa pag finance sa electric Tricycle.
Gipaklaro usab niini nga ang mga traysikel nga gitawag usab ug toktok nga gigamit pasamada ang dili pwede mahatagan ug prangkisa.
