Mitaliwan na ang Argentinian missionary nga si Rev. Fr. Luciano Felloni sa edad nga 51. Siya ang social communications director sa Dioceses sa Novaliches.
Gikumpirma sa Diocese of Novaliches nga aduna siyay cancer . Nailhan ang iyahang ngalan tungod sa mga gitabangan niya nga mga drug addicts nga maba-go ang kinabuhi pamaagi sa iyahang parish-based rehabilitation program.
Nagdumala siya og gamay nga counseling group diin ang mga nigradwar sa iyang programa gitangtang sa drug watchlist sa Philippine National Police. Iyang gipakaylap ang pulong sa Dios pinaagi sa iyang social media nga gitawag ug “AlmuSalita”.
Sa iyang pag-abot sa nasod niadtong 2000, una siyang nadestino sa Mother of Divine Providence sa Payatas, Quezon City ug nagpadagan og rehabilitation program alang sa mga drug users dihang nadestino sa Our Lady of Lourdes Parish sa Caloocan City.
Ang kataposang buluhaton niini mao ang Krstong Hari Parish-Shrine of the Youth sa Quezon City.
