Foreman patay human nga nabangga ang gimanehuan nga motorsiklo sa punuan sa kahoy

GENERAL SANTOS CITY – Nagbangutan ang pamilya sa usa ka foreman human nga malambigit sa aksidente.

Ang biktima ang nailhan sa pangalan nga si Richard Baylon, 49 anyos nga taga Purok PNP Reservation, Dadiangas West ning dakbayan.

Sa imbestigasyon sa mga otoridad nasayran nga gikan sa Buayan ang nasampit sakay sa iyang motorsiklo.

Samtang anaa sa Purok 2 sa Buayan nawad-an og kontrol ang biktima sa motorsiklo nga nabangga sa punuan sa Neem Tree kung asa naangkon og samad sa ulo.

Gilayon nga gidala sa ospital apan gideklarang dead on arrival sa doktor gumikan sa seryoso nga head injury.