Posible nga hisgutan nila ni Pangulong Ferdinand Marcos Jr. ug Russian President Vladimir Putin ang pagtukod og floating nuclear power plant sa Pilipinas.
Kini bisan pa nga wala pa gigamit sa nasud ang nuclear energy isip kabahin sa kasamtangang energy mix. Sumala kang Philippine Ambassador to Russia Igor Bailen, dugay nang gipalig-on ni Pangulong Marcos ang pagpasulod sa nuclear energy aron mapalig-on ang sektor sa enerhiya sa Pilipinas.
Posible usab nga hisgutan sa presidente ang paggamit sa small modular reactors, usa ka teknolohiya nga nailhan ang Russia tungod sa ilang kahibalo ug kasinatian niini. Matod ni Bailen, ang Russia mao ang unang nasud nga malampusong migamit sa maong teknolohiya, busa posible nga dili palabyon sa pangulo ang oportunidad nga mapalambo ang maong proyekto.
Sa unang tulo ka tuig sa administrasyon ni Pangulong Marcos, napasar ang Philippine National Nuclear Energy Safety Act o Republic Act 12305 nga nagtukod sa independent Philippine Atomic Energy Regulatory Authority. Tumong sa administrasyon nga matukod ug mapagana ang unang nuclear power plant sa Pilipinas pagsapit sa tuig 2032.
