-- ADVERTISEMENT --
GENERAL SANTOS CITY – Gidakop sa mga sakop sa City Drug Enforcement Unit ang usa ka fish vendor human mitunol matud pa ug usa ka putos sa druga atul sa gipahigayon nga buybust operation.
Kagabii nagpahigayon ug drug operation ang mga sakop ni Police Sr. Instr. Fernando Manuel sa usa ka dapit sa Barangay Tambler ning dakbayan ug nadakpan ang nagpangalan ug Rey Baluran, 27 anyos nga taga Fatima ning syudad.
Nakuha ngadto sa suspek ang usa ka sachet sa gituhu-ang shabu ug nabawi usab ang mark money nga gigamit sa pagpalit matud pa sa druga.
Kaso sa pagsupak sa Section 5 kon pagbaligya sa Article 2 sa Comprehensive Dangerous Drugs Act of 2002 ang ipasaka batuk sa suspek nga kustudiya karon sa Tambler Police Station.
