Giawhag ni Zamboanga City Rep. Khymer Adan Olaso si President Ferdinand Marcos Jr. nga i-certify isip urgent measure ang iyang proposal sa firing squad batok sa mga mapamatud-ang sad-an sa plunder, korapsyon ug uban pang matang sa korapsyon.
Gihimo ni Olaso ang iyahang pahayag sa exclusive interview sa Bombo Radyo, human makakuha ug dakong suporta sa iyahang bill sa managlahing sektor.
Giangkon sa kongresista nga gamay na lang ang nahabiling panahon sa pagpalabang sa mga balaod, tungod kay duol na ang midterm elections..
Nagtuo ang magbabalaod nga makapugong kini sa pagdaghan sa kurapsyon sa gobyerno.
Sa pagkakaron, daghan ang mipadayag sa ilang pagsupak sa firing squad bill, ilabi na kay ang international community maoy nagpasiugda sa mas tawhanon nga pagpahamtang sa silot nga kamatayon sa mga malapason.
Bisan ang pipila ka relihiyosong mga grupo supak niining paagiha sa pagsilot.
