Namatay na ang Finnish cue artist nga si Mika Immonen sa edad nga 52.
Sumala sa iyang kampo, wala na niya nakaya nga batikan ang iyang sakit nga cancer.
Gitawag siya og “The Iceman,” samtang makapila na usab siya nakabisita sa nasod ug nakaatubang na ang mga sikat nga bilyarista sa nasod sama nila ni Efren “Bata” Reyes, Francisco “Django” Bustamante ug daghan pang uban.
Pipila sa iyang di makalimtan nga mga dula sa nasud naglakip sa pagdaog sa 2003 Philippine 9-Ball Open batok kang Reyes, sa 2009 WPA World 10-Ball Championship batok kang Lee Vann Corteza ug sa 2012 World Cup of Pool alang sa Finland uban sa kababayan nga si Petri Makkonen.
Miyembro siya sa Billiards Congress of America Hall of Fame sa pagdaog sa 2001 World Pool Championship batok kang Ralf Souquet sa Germany.
Siya usab ang two-time US Open winner sa US Open kaniadtong 2009 ug 2009.
Mibuhos ang pahasubo gikan sa nagkadaiyang mga bilyarista sa tibuok kalibotan human masayran ang makapasubong balita.
