Nagpabiling lig-on ang sistema sa panalapi sa Pilipinas bisan pa sa geopolitical nga mga hagit ug kausaban sa mga palisiya sumala sa Financial Stability Coordination Council (FSCC).
Kini nga pamahayag nahitabo human ang inter-agency nagpagawas sa ilang report alang sa 2024 Financial Stability Report (FSR) kagahapon.
Ang Financial Stability Coordination Council usa ka inter-agency council nga gilangkuban sa Bangko Sentral ng Pilipinas (BSP), Department of Finance (DOF), Insurance Commission (IC), Philippine Deposit Insurance Corporation (PDIC), ug Securities and Exchange Commission (SEC).
Sumala sa Financial Stability Coordination Council, ang kalig-on sa sistema sa panalapi sa nasud tungod sa padayon nga pagkunhod sa inflation, lig-on nga pagtubo sa ekonomiya, ug ang lig-on nga internasyonal nga mga reserba sa nasud.
Gihisgotan usab sa konseho nga ang mga lokal nga bangko adunay taas nga capital buffers ug igong liquidity nga makapahimo sa sistema sa panalapi sa pagsuhop sa mga potensyal nga kapildihan ug pagsuporta sa ekonomiya.
Gipunting usab sa taho nga wala’y mga timailhan sa daghang mga kalainan sa mga presyo sa propyedad sa mga merkado sa pinansyal, ug ang nasud adunay kusog nga partisipasyon gikan sa mga domestic investor.
