GENERAL SANTOS CITY – Dili paigo ang gihatag nga pinansyal nga hinabang kun dili hustisya ang angayang madawat sa pamilya Villavende.
Kini ang karagarang singgit sa mga mihatud sa OFW nga si Jeanelyn Villavende sa iyang ulahing kapahulayan kagahapon.
Si Jeanelyn gipatay sa iyang amo didto sa Kuwait.
Sa pahayag sa mga kabanay sa pamilya Villavende sa Norala South Cotabato nga dili mabayran og bisan unsa kadako nga salapi ang sakit nga gibati sa pamilya human sa kamatayon ni Jeanelyn.
Kahibaluan nga si Father Teresito Chito Suganob ang nagmisa kacng Jeanelyn kung asa sa iyang mensahe atol sa misa gihangyo niini sa gobyerno nga angayang ihatag sa iyang kababayan ang hustisya.
Gilubong ang Pinay worker sa Norala Public Cemetery kung asa kapin sa 2,000 nga mga kaila, higala, mga kabanay og mga residente ang mihatud kay Jeanelyn sa iyang ulahing kapahulayan.
Samtang padulong sa sam-ang daghang residente usab sa maong lugar lakip mga estudyante ang nag-atang sa mga kalsada nga ang uban ang naglabay og mga bulak aron ipakita ang ilang pahisubo sa pamilya Villavende.
Una nang giangkon sa amahan ni Jeanelyn nga si Abelardo nga gitanyagan sila og blood money aron areglohon na lang ang kaso apan gibalibaran nila kini tungod hustisya ang angayang maangkon sa anak.
