Gipahibalo ni Councilor Richard Atendido nga magpagawas na og final notice aron dili na tugotan ang pagsulod sa mga vendor ug publiko sa usa ka bahin sa palengke tungod sa risgo sa ilang kaluwasan.
Matod ni Atendido, base sa ilang pag-inspeksyon, ang Phase 1 area sa maong palengke giila nga dili na luwas gamiton ug dili na angay sudlan, ilabina samtang nagpadayon pa ang mga aftershocks human sa miaging linog.
Gibutang usab sa mga otoridad ang temporaryong mga pwesto sa mga vendor sa parking area aron makapadayon sila sa pagpanginabuhi samtang malikayan ang posibleng aksidente sulod sa delikadong bahin sa palengke.
Nanawagan ang mga responsable sa pagsunod sa pahimangno aron mapanalipdan ang kinabuhi ug kaluwasan sa mga negosyante ug mamalitay.
