-- ADVERTISEMENT --
Nakahatag og dakong garbo sa nasod ang Sugboanong singer nga si Matty Juniosa human makadawat og Golden Buzzer sa iyang katingalahang audition sa Britain’s Got Talent.
Nabilib pag-ayo ang mga hurado sa iyang gamhanan ug emosyonal nga pagkanta, ilabina si Simon Cowell nga maoy nipindot sa Golden buzzer.
Nagpasabot kini nga diretso na siya sa semi-finals sa kompetisyon, nga usa ka talagsaong higayon alang sa iyang karera.
Nagsugod dayon pag-viral sa social media ang iyang pasundayag diin gidayeg siya sa daghang Pilipino tungod sa iyang talento ug kasingkasing sa pagkanta.
Naghinam-hinam karon ang publiko sa iyang mosunod nga pasundayag sa maong world-class nga entablado.
-- ADVERTISEMENT --
