Naghimo og kasaysayan ang Filipino-American nga si Autumn Durald Arkapaw human siya modaog sa Oscar alang sa Best Cinematography sa pelikulang “Sinners” sa 98th Academy Awards.
Siya ang kauna-unahang babaye nga nakadaug sa maong kategorya, nga nakapahimo sa audience nga hapit maksyagit sa kalipay human ipahibalo ang iyang pagkadaog ni aktres Demi Moore.
Sa iyang speech, nagpasalamat si Autumn sa direktor nga si Ryan Coogler ug sa tanan nga nakatrabaho niya sa pelikula.
Gihatagan usab niya og espesyal nga pasidungog ang tanan nga kababayen-an nga iyang nakaila sa Oscars ug sa tibuok kalibutan.
Gawas sa Best Cinematography, nagdaog usab ang “Sinners” sa tulo ka laing Oscars: Best Lead Actor para kang Michael B. Jordan, Best Original Screenplay para kang Ryan Coogler, ug Best Original Score para kang Ludwig Göransson.
Adunay kasinatian si Autumn sa cinematography sa pipila ka pelikula sama sa The Last Showgirl (2024), Black Panther: Wakanda Forever (2022), ug Palo Alto (2013).
Ang iyang pagkadaog gitan-aw nga dakong inspirasyon alang sa mga kababayen-an sa industriya sa pelikula ug sa mga Filipino sa tibuok kalibutan.
