Usa ka tourist ferry nga nagdala sa 89 ka mga tawo ang natikyaob sa kadagatan sa Nusa Lembongan, Bali niadtong Miyerkules sa hapon human gihapak sa kusog nga mga balod.
Ang mga otoridad nagkanayon nga ang lantsa gikan sa Sanur mga alas 4:30 sa hapon. sa dihang nitidlom kini.
Usa ka video nga naglibot sa social media nagpakita sa mga tawo nga nagsinggit samtang sila misulay sa pagguba sa mga bintana aron makaikyas.
Ang uban miambak pa sa dagat samtang ang uban sakay sa duol nga mga sakayan mitabang dayon sa mga pisi.
Sa kinatibuk-an, 77 sa mga pasahero ang mga langyaw ug 12 ang mga Indonesian, diin ang tanan naluwas mga alas 6:30 sa gabii, ug wala’y namatay o grabe nga kadaotan.
Sa laing bahin, temporaryo nga gipadala ang mga diver aron masiguro nga wala’y mabiyaan nga biktima sa ilawom sa ferry boat human kini natikya.
Nasayran nga ang insidente nahitabo pipila lang ka buwan human nalumos ang usa ka Australian nga babaye dihang natikyaob usab ang usa ka snorkeling boat sa Bali.
Tungod niini, gipahinumdoman sa gobyerno sa Australia ang mga lungsuranon niini nga mag-amping sa pagbiyahe sa Indonesia tungod sa peligro sa kusog nga mga balud ug dili luwas nga mga barko.
