FBI, nag-imbestiga sa pag-hack sa impormasyon sa ilang mga kawani

Gisusi na sa Federal Bureau of Investigation o FBI ang pahayag sa usa ka cyber-crime group nga nakuha matod pa niini ang pipila ka sensitibong impormasyon sa tanang kawani sa ahensya.

Sumala sa Shiny Hunters, usa ka cyber-crime group, mokabat sa 38,000 ka kawani sa FBI ang ilang nakuhaan og impormasyon.

Lakip sa sensitibong impormasyon ang mga ngalan, badge number, balay, phone numbers ug bisan ang ngalan sa mga kapikas sa kinabuhi.

Sa pahayag usab sa FBI, nahibalo sila sa maong impormasyon ug aktibo na kining ilang giimbestigahan.

Migawas ang maong impormasyon human nga gipaambit sa grupo ngadto sa pipila ka mga tigpamahayag ang pipila niini.