GENERAL SANTOS CITY – Gipakalma sa kapulisan ang publiko human mikatag sa social networking ang hulagway sa duha ka lalaki nga namalit ug tinapay sa usa ka pwesto dungan sa pagbutyag nga matang lamang kini sa pagpanghadlok.
Nasuta nga karaan na kaayo ang hulagway nga kuha pa niadtong tuig 2014 apan kagahapon lamang kini gi upload sa facebook. Nagpadayon ang paglihok sa Intelligience Unit sa kapulisan aron matultulan ang responsable sa pagpakatag niini sa social Media.
Kini human nagmando si City PNP Director Maximo Layugan nga pangitaon ang responsable sa pagpakatag sa litrato.
Duha ka lalaki nga naka uniporme sa airsoft competition ang giingong mga sakop sa Maute nga mipalit ug tinapay sa tindahan sa San Isidro ning dakbayan.
Gikumpirma ni Elvira Campus nga ilang tindera ang naghupot sa naasoy nga hulagway apan dugay na kining mipahawa.
Gibasihan sa mga residente ang sul-ob nga sapot nga susama matud pa sa uniporme sa grupong Maute.
