Mikunhod na ngadto sa P8/kilo ang farmgate price sa kamatis, samtang tunga-tunga ang ting-ani, base sa monitoring sa Agricultural Industry Association (SINAG).
Usa na ka buwan nga niabot sa P350 matag kilo ang retail price niini. Matod sa executive director sa SINAG nga si Jayson Cainglet, malugi ang mga mag-uuma tungod sa maong presyo samtang daghan kanila ang gusto nga dili mag-ani.
Ang argumento ni Cainglet, mas dako ang gasto kon anihon kon itandi sa ginansya kon kini ibaligya.
Matod niya nga bisan og walay reklamo gikan sa mga konsumidor kun ubos ang presyo sa kamatis sa kamerkadohan, dako ang kapildihan sa mga mag-uuma nga kasagarang apektado sa ubos nga presyo sa farmgate. Base sa monitoring sa Department of Agriculture (DA) sa mga kamerkadohan sa Metro Manila, ang retail price sa kamatis gikan lang sa P35 ngadto sa P70 matag kilo.
Dugang pa sa SINAG, kinahanglan nga atubangon sa gobyerno ang nubo nga presyo sa farmgate ug muhimo ug mga lakang aron nga dili na madayon ang pagkalugi sa mga maguuma .
