Fare Matrix proteksyon sa riding public – Kagawad Lagare

GENERAL SANTOS CITY – Giklaro sa chairman sa komitiba sa transportasyon sa konseho ang tumong sa gipagawas sa syudad nga bag-ong fare matrix alang sa traysikel.

Matud ni Gensan City Councilor Dominador Lagare Jr. importante ang taripa aron maproteksyon ang mga pasahero.

Gibutyag niini, daghan ug reklamo kining nadawat kabahin sa mahal nga singil sa pamasahe mao nga mihimo og pamaagi.

Ang pagpagawas og taripa maoy nakita niining solusyon aron mabatukan ang sobra kamahal nga singil sa mga tricycle ug uban pang matang sa transaportasyon sa Gensan.

Awhag niini ngadto sa mga pasahero nga mabiktima gihapon sa over-price nga pamasahe luyo pa man sa gipagawas nga fare matrix, mamahimong magreklamo o magsumbong sa public safety office.