Mag-abot sa Pilipinas ang tulo sa original members sa F4 nga silang Jerry Yan, Vic Chou, og Vanness Wu, kauban ang front man sa Taiwanese band nga Mayday nga si Ashin.
Kabahin ang Manila sa libuton sa grupo para sa “F Forever” tour apan wala pa gihatag ang eksakto nga petsa sa ilang pagbisita sa nasod.
Sugdan ang ilang world tour sa Chongqing, China sa April 10-12, sundan sa Jakarta, Indonesia sa May 29 -30, og adunay tour stops usab sa Bangkok, Singapore og Kuala Lumpur.
Wala nalakip sa lineup si Ken Chu.
Una pa niini, nagkumpirma na ang singer-actor kaniadtong Disyembre nga dili siya mag-uban sa long-anticipated comeback tungod wala siya nalakip sa istoryahanay sa reunion concerts.
Gialegar niini kaniadto nga wala nakahatag ang B’in Music og contract ukon formal agreement.
Nailhan ang F4 human sa hit 2001 drama nga “Meteor Garden” nga nahimong cultural phenomenon sa Asia lakip na sa Pilipinas.
Kini nga series ang nakabase sa Japanese manga nga “Boys Over Flowers” ni Yoko Kamio kun sa diin bida si Barbie Hsu ukon mas ilado nga si Shan Cai.
Napatay si Barbie kaniadtong Pebrero 2025 tungod sa influenza-related pneumonia.
Isip usa usab ka music group, naka-release ang F4 og albums lakip na ang “Meteor Rain” (2001), “Fantasy 4ever” (2002), og “Waiting for You” (2007).
Nagkauban ang F4 members sa walo ka tuig, apan nagbulag kaniadtong 2009.
Upat ka tuig human ang disbandment, nagkauban sila pag-usab sa Spring Festival Gala sa China kaniadtong 2013.
