GENERAL SANTOS CITY – Gikumpirma sa Department of Justice nga nahuman na sa nakalabay nga semana ang extradition trial batuk kang kanhi Negros Oriental Rep Arnie Teves sa Temor Leste.
Matud sa ahensiya nga gihatagan sa korte ang managlahi nga kampo aron makasumite sa ilang mga posisyon ug argumento.
Magsumite una ang Temor Leste sa ilang posisyon paper nga sundan sa kampo sa kanhi magbabalaud samtang lima ka adlaw ang gitagana sa korte aron makamugna ug magpagawas sa ilang desisyon.
Gilauman usab sa DOJ nga ipagawas ang desisyon sa korte sa Temor Leste sa ulahing bahin sa bulan sa Hulyo. Samtang mibalibad usab ang abogado ni Teves nga si Ferdinand Topacio nga muhatag ug kinatibuk-ang asseshment sa nahitabo nga extradition trial.
Matud kang Topacio ang pagdungog ang klaro nga bias ug self serving lamang.
Si Teves ang gitudlo nga utok sa pagpatay kang Negros Oriental Governor Ruel Degamo ug siyam pa kaniadtong Marso nakalabay nga tuig.
Nag-atubang ang kanhi magbabalaud ug patong patong nga kaso nga pagpatay kaniadtong 2019 nga gilambigit kaniya.
