GENERAL SANTOS CITY – Gibutyag ni Atty Arman Clarin, ang City legal officer nga mas maayo nga magpahigayon og executive and legislative meeting alang sa comprehensive transportation code dinhi sa dakbayan.
Gustong muhangyo ang committee on transportation concern sa pagpanguna ni Atty Clarin og executive and legislative meeting sa SP aron hisgutan ang isyu kalabutan sa comprehensive transportation code.
Gibutyag ni Atty. Clarin, angayan kining himuon aron dili mahimong gubot kung hisgutan na kini sa SP.
Angayang magkatukma ang ilang version ngadto sa SP aron paspas nga mapasa.
Sumala pa ni Atty. Clarin, pagkakaron padayon pa ang paghimo sa ilang kaugalingong version sa transportation code nga gilauman nga mahuman paghuman usab sa ilang duha o tulo ka adlaw nga meeting.
Una niini mihangyo ang committee on transportation concern ngadto sa Sp nga dili una hisgutan ang kabahin sa tricycle, trisikad, rota sa jeep og ang districting tungod gusto nila nga mahimo sa ilang kaugalingong version.
Nahitabo kini gumikan magkasumpaki ang version sa comprehensive transport code ni Atty Jun Lagare, ang mihupot sa komite sa transportasyon sa dakbayan og sa gusto sa executive department.
