Pormal nang miduso sa iyang certificate of candidacy si kanhi Presidente Rodrigo Duterte isip mayor sa Davao City.
Uban niini ang anak nga si Davao City Mayor Sebastian “Baste” Duterte nga maoy iyang running mate.
Ang mag-amahang Duterte usa ka oras sa wala pa ang cut-off niabot sa Commission on Elections Davao District Office.
Mainiton silang gisugat sa ilang mga supporters sa Magsaysay Park diin nahimutang ang buhatan sa Comelec.
Sa samang higayon, misang-at usab usab og kandidatura sa ‘Hugpong sa Tawong Lungsod’, ang political party nga gipasiugdahan sa kanhi presidente.
Ang kanhi presidente nagkanayon nga gusto niya nga moserbisyo ug siguruhon nga mas maayo ang Davao karon kaysa kaniadto.
Una niini, si Paolo Duterte miduso usab sa iyang re-candidacy isip representante sa unang distrito sa Davao.
Samtang ang anak ni Rep. Paolo Duterte nga si Omar Duterte modagan pagka-kongresista sa ikaduhang distrito sa Davao.
