Giangkon ni Bise Presidente Sara Duterte nga gitanyagan siya sa iyang amahan nga si kanhi Presidente Rodrigo Duterte nga mobayad sa gasto sa pagkuha sa mga abogado nga nagdumala sa mga kaso sa impeachment nga gipasaka batok kaniya.
Sa pangutana sa Bombo Radyo, gipaambit sa bise presidente nga daghan na siya nga nakigkita sa mga abogado sa depensa sukad pa sa miaging tuig isip pagpangandam sa impeachment proceedings.
Gipasabot niya nga nag-organisa sila og grupo sa mga abogado sa matag kaso aron maseguro ang tukmang representasyon.
Apan, iyang giingnan ang iyang amahan nga dili na magpadala ug kuwarta, kay andam na sila sa mga impeachment.
Gihatagan og gibug-aton sa batan-ong Duterte nga nagsugod sila sa pagpangandam alang sa ligal nga away sa miaging tuig human gisugyot ni ACT Teachers Party-list Representative France Castro ang posibilidad nga ma-impeach siya.
Sa pagkakaron, duha na ka impeachment complaint ang gipasaka batok kaniya sa Kamara.
