Gibutyag ni Atty. Kristina Conti, abogado sa mga biktima sa war on drugs, nga “50-50” ang posibilidad nga tugutan sa International Criminal Court (ICC) ang hangyo ni kanhi Pangulong Rodrigo Duterte alang sa temporaryong kagawasan.
Gihisgutan sa kampo ni Duterte nga 80 anyos na siya ug adunay posibibildidad nga ang kahimtang sa panglawas sa kanhi pangulo ang hinungdan nga ilang gihimo nga basihan sa maong hangyo.
Bisan pa, nabalaka si Atty. Conti dihang mahibal-an nga wala mo-kontra ang ICC prosecutor sa maong petisyon, basta masunod ang ilang mga kondisyon.
Giingon ni Conti nga nanghinaut siya nga madungog usab ang tingog sa mga biktima, nga supak sa bisan unsang espesyal nga pabor alang kang Duterte.
Nahitabo ang pag-aresto kay Duterte niadtong Marso 11 ug gidala dayon paingon sa The Hague Netherlands.
Ang sunod nga pagdungog sa kaso gitakda sa Setyembre 23, aron kumpirmahon ang mga kaso sa crimes against humanity nga gisang-at batok sa kanhi pangulo.
