Pormal nang nanumpa si kanhi PNP Chief, retired Gen. Benjamin Acorda Jr., isip bag-ong hepe sa Presidential Anti-Organized Crime Commission (PAOCC).
Si Acorda, sakop sa PMA Class of 1991, nahimong ika-29 nga hepe sa PNP gikan Abril 2023 hangtod Abril 2024.
Nagserbisyo usab siya isip Director for Intelligence sa PNP ug Regional Director sa Police Regional Office X.
Isip usa sa mga founder sa PNP Anti-Cybercrime Group, nakahupot siya og daghang taas nga posisyon sa kapulisan, lakip na ang Deputy Regional Director sa NCRPO ug Director sa Integrity Monitoring and Enforcement Group.
Si Acorda maoy mohulip kang Gilbert Cruz kinsa milingkod sa katungdanan niadtong Enero 2023. Ang PAOCC gimanduan sa pag-imbestigar ug paggukod sa mga kriminal nga sindikato ug kurakot nga mga opisyal.
