Gikwestiyon ni House Committee Chairman on Good Government and Public Accountability ug Manila Representative Joel Chua ang kanhi district engineer sa Bulacan kalabot sa pagkadiskubre sa mga ghost projects.
Sa dihang miatubang kaniya si kanhi Bulacan 1st District Engineer Henry Alcantara, iyang giangkon nga nihatag siya og completion certificates bisan og wala siya mohimo og inspeksyon sa mga nahuman nga proyekto.
Atol sa interpelasyon ni Chua kang Engr Alcantara, iyang gipangutana kon duna ba siyay gihimong inspeksyon sa mga proyekto, diin iyang gitubag nga iya kining gihimo apan niinsister nga nagdepende lang siya sa team nga nagpahigayon sa validation.
Si Alcantara nipasalig kang Chua nga nagpahigayon usab sila og review sa tanang mga proyekto.
Hinuon giinsister ni Alcantara nga iyang gibasehan ang iyang pag-angkon sa mga dokumento nga gihatag kay masaligon siya nga walay anomaliya.
Alang kang Chua, seryosong isyu ang pag-angkon ni Alcantara.
Matod niya nga dili kini gamay nga butang tungod kay kung maka-certify na ang district engineer, ang sunod nga tao ang mopagawas sa kwarta.
Gipakita ni Chua ang opisyal nga resibo sa Alcantara nga P43.4 milyones ug P5.9 milyon, nga nagpamatuod nga nabayran na ang proyekto sa SYMS Construction.
Apan nidepensa si Alcantara sa iyang kaugalingon ug niingon nga nagsalig lang siya sa mga taho sa iyang mga sakop.
