-- ADVERTISEMENT --
GENERAL SANTOS CITY – Angol ang kanhing boksingero nga si Rolando Navarette human matud pa gibato sa iyang silingan.
Midangop si Navarete sa Lagao Police Station ug gipatala ang insidente, kung asa iyang gireklamo ang nagpangalan ug Junel Abulaya, nga silingan matud pa niya sa Sitio Toning Part 2, Brgy Lagao ning dakbayan.
Nahitabo ang insidente kagahapon sa hapon, kung asa nakaangkon matud pa ang kanhing boksingero ug mga samad sa nawong ug sa lawas. Hinungdan nga gitambagan siya nga magpatambal sa ospital.
Wala pa matino ang rason nganong gibato si Navarette sa iyang silingan.
Si Navarette ang gikonsiderang “Bad Boy from Dadiangas” human malambigit sa daghang kasamok sa siyudad, dihang nahuman ang iyang karera sa boksing.
-- ADVERTISEMENT --
