-- ADVERTISEMENT --
GENERAL SANTOS CITY – Nakaangkon ug temporaryong kagawasan ang usa ka kanhing sakop sa BJMP nga nasikop miaging adlaw sa gipahihayong search operation sa iyang panimalay sa Brgy. Baluan ning siyudad.
Kini human nagbayad ug piyansa nga P200,000, ang nahisgutan nga nagpangalan ug Nelson Serapio.
Una niini, nasikop ang nahisgutan human nakuhaan ug upat ka sachet sa shabu sa iyang panimalay, sa gipahigayong pagpangronda sa mga sakop sa Regional Police Drug Enforcement Unit, sa pipila ka panimalay sa nasampit nga barangay, kung asa kahinumduman nga duha sa mga target ang napusilan patay human misukol sa mga otoridad.
