Hingpit na nga balaud ang Republic Act 12124 o ang Expanded Tertiary Education Equivalency and Accreditation Program (ETEEAP) Law nga maggarantiya og undergraduate degree niadtong wala makahuman sa kolehiyo apan base sa ilang kasinatian sa trabaho human nga gipirmahan na ni President Ferdinand Marcos Jr.
Pinaagi sa bag-ong balaod, ang Commission on Higher Education (CHED) gihatagan og gahom isip nanguna nga ahensya sa paghatag og katumbas nga mga degree sa kolehiyo sa mga propesyonal nga nagtrabaho nga dili kinahanglan nga moagi sa tradisyonal nga paagi sa pagkat-on.
Pinaagi sa programa sa ETEEAP, mahimong mas lig-on ang mga sumbanan, pagmonitor ug pagpatuman niini sa nasud.
Ang makabenepisyo sa bag-ong balaod naglakip sa mga overseas Filipino workers nga niundang tungod gikinahanglan nga motrabaho dayon ug makakuha sa ilang diploma.
Lakip sa mga criteria nga naa sa balaod aron makaapil sa programa mao ang pagka Filipino citizen, sa nasud man o sa gawas sa nasud; 23 anyos pataas; nakatapos sa high school ug nakapasar sa Alternative System Accreditation ug Equivalency Assessment and Certification ug adunay lima ka tuig nga kasinatian sa industriya nga may kalabutan sa programa nga gusto niini nga makuha.
