Giklaro ni Butuan City Police Office Spokesperson PLt Joy March Estioco nga wala pa’y kumpirmasyon ang mikuyanap sa social media nga gipanamastamasan matud pa sa tulo ka indibidwal ang 9-anyos nga batang si Alleyah kansa nakit-an nga patay sa tubigang bahin sa Purok 5, Barangay Los Angeles, Butuan City.
Kini tungod kay nagpadayon pa gihapon ang investigating team ug ang Butuan City Police Station kon BCPS 6 sa ilang case buildup ug gitutokan ang pipila ka persons of interest samtang gipangayo pa sa prosecutor ang dugang nga dokumento.
Gipasabot usab ni Estioco nga ang autopsy result nagpakita nga ang pinaka-cause of death mao ang asphyxia consistent with drowning kon pagkalumos ug wala’y nakit-an nga sperm cells sa maong report.
Hinuon gipa-abot pa sa kapulisan ang resulta sa serology exam aron masuta kung tinuod ba ang mga espekulasyon sa sexual assault samtang gitan-aw na usab ang tanang anggulo sa kaso adiser kini mahimuan og spot report.
Dugang pa ni PLt Joy March Estioco, nga nagpaabot pa sila sa formal case nga i-file batok sa person of interest kansa dili pa matawag nga mga suspetsado tungod kay padayon pa ang imbestigasyon.
Gipasabot ni Estioco, nga basin na-misconclude lang sa uban ang sitwasyon taliwa nga wala pa’y lig-on nga ebidensya nga magtudlo kanila isip suspek.
