Gibutyag ni Senador Panfilo “Ping” Lacson nga ang mga miyembro sa mayoriya nga bloc sa Senado sa sinugdanan miuyon nga itudlo si Senador Francis “Chiz” Escudero isip presiding officer sa impeachment court batok kang Bise Presidente Sara Duterte.
Sumala ni Lacson, ang mayoriya naghisgot niini ug si Escudero napili tungod sa iyang kasinatian sa mga proseso sa impeachment ug pagka-abogado.
Mahinumduman nga si Escudero kaniadto nangulo sa impeachment court niadtong 2025. Apan, giklaro ni Lacson nga ang desisyon dili pa final ug mahimo pa nga mausab.
Niining bahina, gihimakak ni Lacson nga adunay resiprokal nga kasabutan alang sa posibleng pagtudlo ni Escudero, nga nag-ingon nga ang diskusyon aron lamang mapadayon ang hapsay nga proseso sa impeachment court.
Samtang, ang impeachment court gilauman nga magtigom sa Hulyo 6, 2026, samtang ang pre-trial conference gikatakda sa Hunyo 18, nga mahimong sirado sa publiko.
Ang kaso sa impeachment batok sa Bise Presidente gibase sa mga alegasyon nga naglakip sa paglapas sa Konstitusyon, graft and corruption, pagbudhi sa pagsalig sa publiko, bribery, ug uban pang seryoso nga mga akusasyon.
