Ang pribado nga eroplano nga gisakyan sa napalagpot nga Bamban Mayor Alice Guo ang gideklara nga world’s most tracked flight kaadlawon kaniadtong Septembre 6 sumala sa website tracking live flights.
Nagsugod ang pag track ala 12:45 sa kaadlawon dihang mukapin sa 2,700 ka mga trackers ang nagmonitor sa RPC6188 sa Royal Star Aviation sumala sa flightradar24.
Paghidangat sa ala 1:08 sa kabuntagon pipila ka minutos una mutugpa ang abyon mukapin sa 5,700 ka mga trackers ang naglantaw sa gisakyan ni Guo.
Kini human gikabutyag nga sa kaadlawon mutugpa sa Royal Star Aviation hangar sa Pasay City ang eroplano gikan sa Indonesia nga gisakyan nilang Alice Guo, Interior Secretary Benhur Abalos, Philippine National Police Chief General Rommel Marbil ug uban pa.
