Nagpagawas ang Energy Regulatory Commission (ERC) og advisory nga nagmado sa Distribution Utilities (DUs) ngadto sa mga lugar ubos sa State of Calamity tungod sa Bagyong Crising, Dante, Emong, ug ang gipalig-on nga Habagat nga suspendihon ang pagputol sa kuryente sa mga residential ug non-residential consumers gikan Hulyo 19 hangtod Agosto 31, 2025.
Gimandoan usab ang mga distribution utilities sa pagtanyag ug flexible nga mga pamaagi sa pagbayad aron matabangan ang mga apektadong konsumedor.
Ang mga konsumidor nga mukonsumo og dili molapas sa 100 kilowatt-hours matag bulan gitugotan nga mo-defer sa ilang bayranan ug mobayad niini og installment sulod sa tulo ka buwan gikan sa pagkadawat sa bayronon.
Ang ERC nagmando usab sa mga generation companies ug uban pang energy sector entities sama sa PSALM, NPC, TRANSCO, NGCP, IPPs, IPPAs, ug Market Operators, nga kinahanglang mopatuman usab ug proportionate staggered payments ngadto sa DUs.
Dugang pa, ang ERC nagpahinumdum sa mga makabayad nga magbayad gihapon sa ilang mga bayronon sa kuryente sa oras.
