Gipalugwayan sa Energy Regulatory Commission (ERC) ang moratorium sa pagputol sa serbisyo sa kuryente para sa mga residential ug non-residential nga mga konsumidor nga wala pa makabayad sa ilang mga bayranan.
Ang bag-ong direktiba naglangkob sa mga bayranan gikan Agosto hangtod Oktubre 2026, isip kabahin sa mga lakang sa gobyerno taliwala sa nagpadayon nga nasudnong emerhensya sa enerhiya.
Dugang pa, gitugotan usab sa ERC ang mga panimalay nga naggamit og 200 kilowatt-hours o mas ubos pa kada bulan nga i-defer ang pagbayad sa ilang mga bayranan ug bayran kini sa installment sulod sa labing menos tulo ka bulan.
Giklaro sa ahensya nga kung makabayad sila sa hingpit, giawhag gihapon ang mga konsumidor sa pagbuhat niini.
Gimandoan usab sa ERC ang mga electric distribution utilities ug uban pang mga kompanya sa sektor sa kuryente nga ipatuman ang parehas nga flexible payment scheme aron makunhuran ang pinansyal nga palas-anon sa mga konsumidor.
Ang mga distribution utilities adunay hangtod Oktubre 30, 2026 aron isumite ang ilang report sa ERC isip pamatuod nga ilang gipatuman ang giingon nga direktiba.
