GENERAL SANTOS CITY – Hugot ang pahimangno sa mga opisyal sa Bula sa katawhan nga gidili ang pagpamista og mukaon atol sa kapistahan sa Sr. Santo Niño sa Enero 15, 2021.
Matud pa kang Dexter Forro, administrator sa Barangay Bula nga aron masiguro nga dili makasulod ang dili residente sa ilang lugar pangitaon ang Enhanced Quarantine Pass (EQP).
Kini gumikan hugot nga gidili ang pagtapok sa mga tawo aron makalikay nga matakdan sa COVID 19.
Ang tumong sa lokal nga gobyerno aron maproteksyonan ang katawhan batok sa maong virus .
Sa pamahayag ni Forro nga walay matigayon nga Sinulog Dance, Isda Isdaan Festival, pahalik, social cultural activities og uban pa.
Ang magpadayon mao lang ang fluvial parade sa Santo Niño sakay sa amphibian og walay laing sakayang pangdagat ang muapil.
Apila sa mga opisyal sa Barangay Bula sa katawhan nga sabton ang gipagawas nga Executive Order ni Kap. Nicanora Vargas tungod ang tumong alang sa interes sa tanan.
