Gibutyag ni Agriculture Sec. Francisco Tiu Laurel Jr., nga dili madisbentaha ang mga mag-uuma sa nasud sa pagpirma ni PBBM sa EO 62.
Ang maong EO mao’y nagpaubos sa taripa sa imported rice gikan sa kanhi 35% ngadto sa 15%.
Matod sa kalihim, dili angay mabalaka ang mga mag-uuma nunot sa pagkunhod sa taripa sa imported nga bugas.
Dugang usab niini nga dili anti-farmer ang maong lakang apan makatabang kini nga matubag ang panginahanglanon nga adunay bugas sa mga merkado nga ubos o barato nga presyo.
Ug kon adunay mawala nga pundo ubos sa Rice Competitiveness Enhancement Fund (RCEF), ang kagamhanan motutok sa pagpuno niini aron magpadayon ang suporta sa mga mag-uuma.
Samtang, ang kalihim usab miingon nga ang DA nagplano sa pagdugang sa suporta sa mga mag-uuma ubos sa mechanization program ug additional fertilizer support.
