Nagtuo si Chief Presidential Legal Counsel Juan Ponce Enrile nga usa ka political pressure ang peace rally sa Iglesia Ni Cristo (INC) nga gitambungan sa 1.8 milyon katao niadtong Enero 13, bisag maayo matod pa ang katuyoan niini.
Sa usa ka pahayag gibutyag sa kanhi Senador nga para kaniya usa kini ka political pressure aron pugngan ang bulag og independent nga executive branch nga gipamunuan ni Pangulong Ferdinand Marcos Jr. nga himuon ang iyang constitutional duties.
Matod niya nga makita kini sa mga pakigpulong nga gihatag sa rally.
Gipasabot usab ni Enrile nga ang Presidente isip napili nga chief executive sa nasud adunay gahum ug katungdanan nga makig-alayon sa laing duha ka branch sa gobyerno aron makab-ot ug mamentinar ang panaghiusa alang sa episyente nga operasyon sa gobyerno.
Tuod man, giklaro sa kanhi Senate President nga wala siyay kontra sa INC ug gipasabot usab niya sa miaging post bahin sa peace rally nga nakapasuko sa kadaghanan ilabi na sa mga sakop sa INC.
