GENERAL SANTOS CITY – Wala mahinayon ang ikasiyam nga professional fight sa usa sa mga promising boxer sa Gensan.
Kini tungod wala gitugtan sa ringside physician human gitan-aw ang pre-fight medical scans sa 22 anyos nga si Christian Pitt Laurente.
Tungod niini mitawag kang Games and Amusement Board (GAB) medical division chief, Dr. Redentor Viernes si boxing promoter Gerry Peñalosa sa pagbabag ni Dr Jose Unabia.
Matud kang Peñalosa nga may clearance na nga gihatag ang GAB alang sa fight ni Laurente batuk kang Vicente Casido alang sa eigth round junior lightweight bout apan wala giila sa ring physician ang nahisgutang papeles.
Gibtuyag ni Peñalosa nganong si Laurente lamang ang gireklamo ni Unabia nga unta nag-warmed up na ug nagprepara na nga musaka sa ring ang iyang boxer dihang gikwestyon sa ring physician ang clearance.
Si Laurente ang 2018 AIBA World Youth Championships bronze medalist nga taga Bula ning syudad .
Nasuta nga main event ang Laurente Casido bout nga ipahigayon unta sa Bogo Cebu niadtong Sabado sa gabii.
Hinuon nahinayon ang upat pa ka undercard fight luyo nga mipasalig si GAB chairman Abraham Mitra nga magpahigayon ug internal investigation sa wala mahinayon nga away.
