-- ADVERTISEMENT --
GENERAL SANTOS CITY –Nagpagawas na og hugot nga kamanduan ang labaw sa kapulisan sa Rehiyon dose nga tutukan pagmaayo ang sitwasyon sa Maitum Sarangani Province human sa engkwentro nga nahitabo aging adlaw sa Brgy Mindupok nga nikutlo og usa ka kinabuhi.
Matud pa ni PLtC Lino Capillan, tigpamaba sa Police Regional 12, gimandoan ni PBGen. Michael John Dubria ang Provincial Director sa Sarangani nga dili pasagdan ang nahitabo sa nagkaengkwentro nga duha ka MILF faction nga nagresulta nga kapin gatus ka mga residente ang mihikling sa kahadlok nga madamay.
Nanghinaut si Capillan nga dili musamot ang dili maayong sitwasyon sa lugar nga makaapekto sa kalinaw sa lugar.
