Mikunhod sa 95.1% ang employment rate sa Pilipinas niadtong Hunyo 2026, base sa pinakabag-ong datos sa Philippine Statistics Authority o PSA.
Mas ubos kini kumpara sa 96.3% nga employment rate niadtong Hunyo 2025 ug 95.2% niadtong Mayo 2026.
Tungod niini, misaka usab sa 4.9% ang unemployment rate sa nasud, gikan sa 3.7% niadtong Hunyo sa miaging tuig ug 4.8% niadtong Mayo 2026.
Gibanabana nga 2.59 milyon ka mga Pilipino ang walay trabaho niadtong Hunyo, mas taas kumpara sa 2.50 milyon niadtong Mayo ug 1.95 milyon niadtong Hunyo 2025.
Bisan pa sa pagtaas sa gidaghanon sa mga walay trabaho, misaka ngadto sa 50.66 milyon ang mga adunay trabaho niadtong Hunyo gikan sa 49.63 milyon niadtong Mayo.
Padayon usab nga gibantayan sa PSA ang kahimtang sa labor market ug ang mga hinungdan nga nakaapekto sa trabaho ug panginabuhian sa mga Pilipino.
