SOUTH COTABATO – Gipasidunggan si Romel T. Evangelio, empleyado sa Provincial Government sa South Cotabato, isip usa sa mga nakadawat sa Gawad Lingkod-Bayani 2025 tungod sa iyahang talagsaon nga serbisyo publiko.
Gipahigayon ang seremonya sa Malacañang, nga ginpangunahan ni Executive Secretary Ralph Recto isip representante ni Presidente Ferdinand “Bongbong” R. Marcos Jr., isip pagkilala sa dedikasyon, integridad, ug halangdon nga pagserbisyo ni Evangelio sa gobyerno.
Isip kabahin sa pasidungog, nadawat ni Evangelio ang usa ka tropeo, gold medal medallion gikan sa Bangko Sentral ng Pilipinas, ₱200,000 nga cash incentive, ug awtomatikong pagsaka sa iyang suhulan .
Ang Gawad Lingkod-Bayani usa ka national nga pasidungog nga gihatag sa mga empleyado sa gobyerno nga nagpakita og talagsaong performance ug ehemplo sa matinud-anon nga pagserbisyo sa katawhan.
