Gianunsyo na sa Academy of Motion Picture Arts and Sciences ang nominees sa 97th Academy Awards ukon ang Oscars human duha ka higayon nga giatras tungod sa wildfires sa Los Angeles, California, USA.
Nagapanguna sa numero sa nominasyon ang transgender cartel musical nga “Emilia Perez”.
Ang pag-nominate sa ilaha sa 13 ka kategorya ang nag-set usab sa record isip most nominated foreign film sa Oscars history nga nagguba sa record sa Roma kaniadtong 2019 og Crouching Tiger og Hidden Dragon kaniadtong 2001 nga nakaangkon og 10 ka nominasyon.
Lakip sa posible nga madag-an sa Mexico-set musical nga mga kategorya mao ang best picture, cinematography, sound, editing, picture, visual effects og best song.
Si Karla Sofia Gascon gikan sa maong pelikula ang gi-nominate usab sa Best Actress award og mao ang una nga transgender person nga na-nominate sa acting prize sa kasaysayan sa Oscars.
Anaa usab si Zoe Saldana nga nominated sa best supporting actress award.
Wala usab nadala sa nominations ang ilang mas sikat nga co-star nga si Selena Gomez nga nakaangkon og kritisismo tungod sa iyang Spanish-language dialogue.
Bantayan ang pag-anunsyo sa mga winners sa live og televised ceremony gikan sa Hollywood sa Marso 2.
