Usa ka balaodnon nga maghatag sa Presidente og gahom sa temporaryong pagsuspenso sa mandatory biofuel blending aron makunhuran ang taas nga presyo sa mga produktong petrolyo ang giduso na sa House of Representatives.
Ang gisugyot nga Oil Price Stabilization Act (House Bill 8469) giaprobahan sa ikaduhang pagbasa atol sa sesyon sa House niadtong Lunes.
Ang HB 8469 mag-amyenda sa Biofuels Act of 2006 (Republic Act 9367).
Sumala sa chairperson sa House Committee on Energy ug Palawan Rep. Jose Alvarez, kinsa maoy nag-sponsor sa balaodnon, kini nagtumong sa pagpanalipod sa mga Pilipino gikan sa taas nga presyo sa mga produktong petrolyo.
Sumala ni Alvarez, ang pagsagol sa biofuel sa gasolina ug diesel nagdugang og gasto sa mga kompanya sa lana, busa nagpataas sa presyo.
Giinsistir ni Alvarez nga ang balaodnon dili usa ka pagbiya sa pasalig sa nasud sa pagpalambo sa lumad nga renewable energy apan usa ka temporaryo nga lakang aron matabangan ang mga drayber sa PUV, mga mag-uuma, ug mga mananagat
