Nagpahibalo ang Embahada sa Pilipinas sa Israel nga magpadala kini og hinabang sa usa ka Overseas Filipino Worker (OFW) nga apektado sa missile strike sa Israel.
Gikataho nga luwas na ang OFW human mipasilong sa usa ka silonganan samtang naigo sa missile ang iyang balay nga maoy hinungdan sa kadaot.
Gibalhin siya sa usa ka hotel sa Tel Aviv aron masiguro ang iyang kaluwasan.
Gipahimangnoan usab sa embahada ang mga Pilipino sa mga apektadong lugar nga moadto sa mga puy-anan o uban pang luwas nga lugar nga adunay missile alert aron malikayan ang peligro.
Ang Iran ug Israel nagbinayloay og mga missile ug airstrike niadtong Sabado human gilusad sa Israel ang kinadak-ang opensiba sa kahanginan batok sa Iran aron mapugngan ang pagpalapad sa programang nukleyar niini.
Sa laing bahin, gipasalig sa Embahada nga padayon ang pagmonitor sa sitwasyon ug paghatag usab og suporta sa mga Filipino sa Israel, lakip na ang laing upat ka OFW nga naangol sa mga pag-atake.
