Subling giklaro sa lead vocalist sa banda nga Eraserheads nga si Ely Buendia nga dili tinuod ang mga nikatap kaniadto nga tsismis bahin sa giingong isyu sa pagpanglugos sa sexy aktress nga si “Pepsi Paloma” sa ilang kanta nga “Spoliarium” nga nauso kaniadtong dekada 80.
Matrud niya nga “It’s not about Pepsi,” atol sa gipahigayong media conference alang sa documentary film nga “Eraserheads: Combo on the Run” kagahapin.
Kahinumduman nga ang nahisgutang kanta gidungog nga nagdetalye sa trahedya nga nahitabo kang Pepsi.
Kaniadtong 2021, gi-debunk ni Ely ang dugay na nga mga mito ug espekulasyon bahin sa ilang kanta, sa podcast ni Saab Magalona ug Jim Bacarro.
Matud pa niya, ang kanta ang tungod sa nag inom ug ilimnong makahubog , hangtod nga nagbuy-od na sila sa yuta, susama sa nakita sa painting ni Juan Luna.
Kabahin sa nahisgutang mga pangalan nga “Enteng” ug “Joey,” giingong tinuod silang mga tawo nga maoy ilang road manager niadtong higayona, sukwahi sa espekulasyon nga gitumbok sa Enteng dinhi mao ang sikat nga karakter sa “Eat Bulaga” host nga si Vic Sotto (Enteng Kabisote) ug ang Joey, nga giingong si Joey De Leon.
Kahinumduman nga nabuhi pag usa b ang issue kang Pepsi Paloma tungod sa pelikulang “The Rapists of Pepsi Paloma” ni direk Darryl Yap.
