Trending karon sa social media platforms ang kanta ni Cup of Joe nga “Multo”, kay makita sa maong music video ang star-studded nga sila si Elijah Canlas ug Miles Ocampo.
Sa usa ka interbyu, gipaambit ni Elijah ang kalipay sa pagtrabaho pag-usab uban ni Miles.
Dugang pa niya nga mas lingaw ang maong proyekto tungod kay managhigala ang artista, direktor, ug cinematographer.
Gipaambit usab sa award-winning actor ang ilang professional ug relaxed working dynamic diin “chill lang.”
Human namatikdan na usab sa mga netizen ang dayag nilang panagsuod, giklaro ni Elijah nga dili na kinahanglang hunahunaon pag-ayo ang mga makita online.
Midugang siya, “Okay ra kami.”
Kahinumduman nga gikumpirma ni Elijah ang ilang panagbulag niadtong 2023 human sa ilang relasyon niadtong 2022. Niining tuiga, niulbo ang balita nga nagbalik sila, nga mas gisemento pa sa ilang onscreen ug offscreen chemistry.
