Elf truck nga gikargahan og mga taklobo nakumpiska sa Maasim Sarangani

SARANGANI PROVINCE- Nakumpiska sa kapulisan sa Maasim, Sarangani Province ang usa ka elf truck nga adunay karga nga mga taklobo.

Matud pa ni Alejandra Sison, Municipal enviromental officer sa Maasim nga giabandona ang maong sakyanan nga may karga nga taklobo nga ibaligya unta sa tag-iya.

Karon gisuta pa sa mga otoridad kung kinsa ang tag-iya sa elf truck.

Gatuo si Sison nga gikan sa bukid ang maong mga taklobo nga gikuha nga walay igong mga dokomento.

Gumikan sa kabukiran gikuha ang mga taklobo, ang mga responsable ang mag-atubang sa pagsupak sa Presidential Decree No. 705 ( Forestry Reform Code of the Philippines).

Samtang gikatakda nga itugyan sa Maasim Municipal Police Station sa MENRO Maasim ang maong mga taklobo.