Nakuha na sa batikang tennis star nga si Elena Rybakina ang top spot sa women’s tennis human sa iyang kadaugan batok kang Qinwen Zheng sa nagpadayong US Open.
Sa ilang nahimong panagsangka, dili lamang napaduol si Rybakina sa Grand Slam title, kundili misaka usab siya sa world rankings ubos sa Women’s Tennis Association o WTA.
Gitapos sa bag-ong World No. 1 ang maong dula sa tulo ka set, 3-6, 6-1, 6-4, pinaagi sa dominanteng comeback batok kang Zheng.
Gipulihan niya sa top spot ang tennis superstar nga si Aryna Sabalenka, nga 99 ka semana nang naghupot sa numero uno nga ranggo sa women’s tennis.
Nakatabang usab sa pagsaka ni Rybakina ang gamay nga pagkunhod sa performance ni Sabalenka sa mga miaging torneyo.
Kini ang unang higayon nga nahuptan ni Rybakina ang pinakataas nga ranking sa women’s tennis, samtang ang iyang pag-abot sa semifinals sa US Open mao ang pinakataas nga hugna nga iyang nakab-ot sa maong torneyo.
Sa wala pa ang iyang makasaysayanong kadaugan, 57 percent lamang ang iyang win percentage sa US Open, apan ang iyang mga kadaugan karong tuiga maoy nakatabang sa pagpausbaw niini.
