GENERAL SANTOS CITY – Kasamtangang anaa sa tambalanan ang usa ka lalaki human kini gipusil sa wala mailhing suspek sa Purok 16, Barangay Fatima ning dakbayan mga alas 9 pasado, kagabii.
Giila sa Police Station 7 ang biktima nga si Lendon Parojinog, 38 anyos, electrician ug residente sa Purok Bayanihan, GenSan.
Base sa inisyal nga report sa kapulisan, usa ka concerned citizen ang nitaho sa hitabo ug gilayong miresponde ang kapolisan ug gikompirma ang insidente.
Ang biktima nakaangkon og duha ka samad pinusilan sa iyang kalawasan, lakip sa iyang dughan ug tuong abaga.
Gisusi pa sa kapolisan ang motibo sa pagpamusil diin nagmando si Police Colonel Jomar Alexis Yap, director sa General Santos City Police Office alang sa hot pursuit operations batok sa mga responsable sa krimen ug mas estrikto nga checkpoints sa dakbayan.
